Ampliado ata o 29 de maio o prazo de presentación de proxectos xornalísticos para a bolsa 'Nacho Mirás'

O prazo de presentación de proxectos xornalísticos da quinta edición da bolsa 'Nacho Mirás' foi ampliado ata o 29 de maio ante as medidas impostas pola crise sanitaria derivada da propagación do COVID-19.

O Colexio Profesional de Xornalistas de Galicia (CPXG) que impulsa esta iniciativa, patrocinada por Abanca e apoiada pola Universidade de Santiago de Compostela (USC), lembrou que a dotación económica da bolsa ascende a 6.000 euros, así como que esta contía poderá ser dividida en varios proxectos se o xurado o considera preciso.

En concreto, a convocatoria está aberta a titulados en Xornalismo ou Comunicación Audiovisual entre os anos 2016 e 2020, este último incluído, e o tema e o soporte dos proxectos son libres.

As persoas interesadas deberán remitir o formulario de inscrición, a fotocopia do título, unha descrición da proposta e a súa cronoloxía á dirección de correo electrónico xornalistas@xornalistas.gal. Tamén se deberán incluír no envío o orzamento estimado da iniciativa e información sobre o autor ou os autores.

Ademais, valorarase que o proxecto se realice en galego, así como a pertenza ao Colexio Profesional de Xornalistas de Galicia. Do mesmo xeito, avaliarase a viabilidade futura da proposta, a súa orixinalidade, a súa amplitude xeográfica, o traballo en equipo e a documentación da memoria.

A bolsa 'Nacho Mirás' alcanza xa o seu IV edición en apoio aos proxectos periodís. CXPG