Néstor Rego pide unha resposta a Defensa pola negativa a ceder o hospital militar de Marín se fose necesario
O servizo público solicitou o uso das instalacións no caso de que fose necesario habilitar máis camas dada a saturación do sistema sanitario na área de Pontevedra.
Por Europa Press / Redacción | SANTIAGO DE COMPOSTELA | 17/04/2020 | Actualizada ás 17:54
O portavoz do BNG no Congreso, Néstor Rego, pediu explicacións ao Ministerio de Defensa por denegar a cesión do antigo hospital militar da escola naval de Marín, ao Sergas.
Ante a "grave emerxencia sanitaria que está a sufrir a sociedade", os nacionalistas preguntan que levou ao Ministerio de Defensa a dar esta resposta, segundo dixo o propio Sergas que se produciu. O servizo público solicitou o uso das instalacións no caso de que fose necesario habilitar máis camas dada a saturación do sistema sanitario na área de Pontevedra.
Respecto diso, Rego pediu explicacións sobre se Defensa considera "necesario manter esta instalación como hotel, residencia ou balneario de uso por militares", antes que "dedicalo ao servizo público como hospital no medio da crise do covid-19.
Os nacionalistas lembran que son unhas instalacións que se usan de residencia vacacional de suboficiais, pero o edificio "non sufriu ningún tipo de alteración", de forma que a súa estrutura e dependencia "son as máis idóneas para poder destinalo a uso hospitalario de ser necesario".
