O 4% dos fogares galegos pasa o confinamento sen ver a rúa desde a súa vivenda
É das cifras máis baixas do Estado, segundo un informe de Idealista.
Por Europa Press / Redacción | SANTIAGO DE COMPOSTELA | 21/04/2020 | Actualizada ás 13:21
O 4% dos fogares galegos pasa o confinamento sen poder ver a rúa desde a súa vivenda, ao tratarse de pisos interiores, unha cifra que é, no entanto, das máis baixas do Estado, segundo un informe de Idealista.
Así, por cidades, Madrid é a capital española na que é maior a porcentaxe de vivendas interiores, cun 20,3%, seguida de Bilbao (13,8%), Cádiz (12,7%), Zaragoza (10,7%), Oviedo (10,7%) e Cidade Real (10,6%). Por encima do 8 por cento sitúanse Logroño (8,7%), Barcelona (8,5%) e Sevilla (8,4%).
No lado oposto do ranking está a cidade de Albacete, onde só o 1,3% das vivendas son interiores, seguida por Cuenca, co 1,8%. En Murcia e Ourense, a porcentaxe de vivendas interiores sitúase en 1,9%, mentres que en Teruel está no 2%. Por baixo do 3% tamén se atopan Almería (2,4%), Lugo (2,2%) e Santander (2,1%).
Do mesmo xeito, Madrid tamén é a rexión con maior porcentaxe de vivendas interiores (15,4%) seguida por Canarias (9,8%), Aragón (8,4%), Illas Baleares (7,8%), Cataluña (7,1%), Castela-A Mancha (6,6%), A Rioxa (6,4%), Asturias (6,1%), Euskadi (5,7%), Andalucía e Comunidade Valenciana (5,6 en ambos os casos).
Cantabria sitúase á fronte das rexións con menor porcentaxe de vivendas interiores, con só un 1,3%, seguida de Navarra (3,1%), Murcia (3,3%), Estremadura (3,4%), Galicia e Castela e León (4% en ambos os casos).
