Por Europa Press / Redacción | SANTIAGO DE COMPOSTELA | 22/04/2020 | Actualizada ás 19:36
A área sanitaria de Santiago e Barbanza contabiliza só tres centros sociosanitarios con casos positivos de coronavirus dos 41 que se atopan nesta demarcación, o que significa que o 93% están libres desta enfermidade vírica.
Segundo o Servizo Galego de Saúde realizáronse 3.980 PCR a todos os residentes e usuarios destas instalacións e só detectáronse contagios na DomusVi San Lázaro, na que permanecen activos 67 casos; na Fundación José Otero, con 25; e no centro de atención para persoas con discapacidade Amicos de Boiro, con 17 persoas infectadas.
Ademais, os resultados positivos teñen unha incidencia similar tanto entre os residentes como entre os traballadores. O 2% dos empregados empregados e o 3% dos usuarios, uns resultados que se reflicten a través das probas que empezaron a realizarse o 3 de abril e terminaron a pasada xornada.
A subdirectora de Calidade e Atención á Paciente da área de Compostela apuntou que "os residentes e usuarios destes centros atópanse en situación de vulnerabilidade ante a infección por coronavirus, pois adoitan presentar patoloxías de base ou comorbilidades e son de idade avanzada".
Por este motivo, xurdiu a necesidade de "dispor de plans de contigencia específicos dirixidos á prevención e á resposta ante a aparición de casos e brotes", conclúe.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.