Por E.P. | SANTIAGO DE COMPOSTELA | 24/04/2020 | Actualizada ás 10:10
O Exército de Terra, a través do seu Mando Compoñente Terrestre, no ámbito da 'Operación Balmis' no marco da crise sanitaria da COVID-19, desprega este venres unidades da Brilat para, entre outras, realizar labores de desinfección en residencias na provincia da Coruña e na de Pontevedra.
Segundo informou a Brilat, os equipos de descontaminación NBQ (Nuclear, Bacteriolóxico, Químico) van realizar labores de desinfección nas residencias Santa Teresa de Jornet na Coruña e Avós Felices na Laracha, así como no Centro Residencial Pontevedra en Vilaboa. A estes súmase o Centro de atención a persoas con discapacidade na Coruña.
Ademais, este venres ten previsto misións de presenza e recoñecemento nas localidades de Cuntis, Vedra e Ribadavia.
Tamén ten entre os seus cometidos a colaboración coa Garda Civil no control fronteirizo no límite de Galicia con Portugal nas provincias de Pontevedra e Ourense, con patrullas móbiles.
Respecto diso, incide a Brilat en que estas actuacións "poderán verse modificadas en tempo e lugar por motivos operativos ou a recepción de novas instrucións".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.