Denuncias de "incumprimentos" en materia de protección en empresas de axuda a domicilio na Coruña

O sindicato CCOO denunciou "incumprimentos" en materia de protección por parte de empresas do servizo de axuda a domicilio na Coruña e anuncia a súa intención de levar esta cuestión a Fiscalía.

En concreto, informa da existencia de casos positivos de COVID-19 "entre o persoal de OHL Ingesan", cuxos traballadores di, "ten que desenvolver o seu traballo sen os medios de protección necesarios".

Desde CCOO Construción e Servizos lamenta "ter que pór en dúbida, unha vez máis, a profesionalidade e responsabilidade tanto da empresa como das autoridades sanitarias, xa que a Inspección de Traballo constatou a falta de medidas de prevención e informou as autoridades sanitarias".

"Sen que estas fixeran nada, permitindo que o persoal de servizo de axuda a domicilio siga pondo en risco a súa saúde, a da súa familia e a das persoas usuarias do servizo", asegura nun comunicado no que denuncia que se lles obriga a atender "posibles positivos sen as medidas de protección adecuadas".

CCOO, que cifra en catro as demandas ante Inspección, esixe á empresa que manteña informados os casos de COVID-19 ás traballadoras e traballadores "e o dote definitivamnte do material de protección necesario". Tamén reclama á Inspección de Traballo que "actúe con contundencia ante os incumprimentos".

Edificios no casco vello de Vigo por parte do Concello