Deteñen un home que trataba de roubar en coches na zona do porto de Ferrol

A Policía Local de Ferrol detivo na madrugada do venres 24 un home que trataba de roubar no interior de coches estacionados nas inmediacións da sala de exposicións da Autoridade Portuaria, no peirao de Curuxeiras.

Foi a policía portuaria a que descubriu a este individuo despois de que forzase a porta dun vehículo, pero ao decatarse da presenza dos axentes, fuxiu do lugar.

Durante a persecución foi cando unha patrulla da Policía Local o viu e logrou arrestalo. Despois comprobouse, segundo informou, que revolvera no interior do turismo en busca de obxectos de valor.

Policía Local © Miguel Nuñez