Por Galicia Confidencial | Pontevedra | 25/04/2020 | Actualizada ás 23:05
O PSdeG acusou de “electoralista” e “hipócrita” a Alberto Núñez ao anunciar, en plena crise da covid-19, a licitación da primeira fase do Hospital de Montecelo. “Leva máis dunha década destrozando a sanidade pública e acumulando atrasos nesta obra e fai o anuncio en plena crise”, denuncian.
Así, Paloma Castro, membro da dirección galega do PSdeG, cualificou este anuncio de “tomadura de pelo” de quen busca facer “electoralismo” co hospital de Pontevedra tras “moitos anos de abandono”. “Acórdase agora da sanidade pública”, denunciou Paloma Castro, quen recordou que este hospital tiña que estar construído hai anos e cuestionou que Feijóo se lembre agora desta infraestrutura.
“O príncipe da propaganda volve a amosar a súa falta de empatía e de sensibilidade”, incidiu, e urxiu a Feijóo a deixar o “electoralismo” e a “dar respostas” ante a crise derivada da expansión do coronavirus, nunha xornada, a deste sábado, na que na área de Pontevedra se coñeceron 18 contaxios máis.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.