13 accidentes a fin de semana en Galicia a pesar do Estado de Alarma
Houbo 14 persoas feridas nestes sinistros.
Por Europa Press / Redacción | SANTIAGO DE COMPOSTELA | 27/04/2020 | Actualizada ás 11:36
Urxencias Sanitarias de Galicia-061 atendeu a 14 persoas debido a 13 accidentes de tráfico rexistrados durante o fin de semana nas estradas galegas no marco do estado de alarma no que os desprazamentos están limitados.
Segundo informou o 061, entre as 15,00 horas do venres 24 de abril e as 23,59 horas do domingo 26, a Central de Coordinación recibiu 13 chamadas en relación con accidentes de tráfico. O día que rexistrou máis incidencia foi o sábado, con cinco sinistros.
Os recursos sanitarios mobilizados polo 061 ascenderon a 13. En concreto, enviouse a un accidente unha ambulancia de soporte vital avanzado e en 12 sinistros atenderon ambulancias de soporte vital básico.
En 14 casos os feridos nestes accidentes de tráfico do fin de semana foron trasladados aos centros sanitarios correspondentes. A proporción de homes atendida ascendeu ao 71 por cento e a de mulleres reduciuse ao 29%. En canto ás idades das lesións, o 36% tiña entre os 35 e 44 anos.
Por provincias, A Coruña e Pontevedra rexistraron, en cada caso, seis accidentes de tráfico durante os desprazamentos do fin de semana e a de Lugo, un, mentres que na de Ourense non houbo.
