Buscan un septuaxenario desaparecido desde o venres en Ourense
O home supostamente "estaba preocupado pola pandemia" e presentaba posiblemente algún cadro de depresión.
Por Europa Press / Redacción | OURENSE | 27/04/2020 | Actualizada ás 13:06
A Unidade de Atención á Familia e Muller (UFAM) da Policía Nacional de Ourense prosegue coas actuacións no marco da procura dun home desaparecido desde o venres na capital ourensá.
Segundo informaron a Europa Press fontes policiais, un familiar do home de 72 anos denunciou a súa desaparición desde a mañá do venres pasado e os labores policiais proseguen "sen novidade" ata o momento.
O home supostamente "estaba preocupado pola pandemia" e presentaba posiblemente algún cadro de depresión, apuntaron as mesmas fontes consultadas.
Por iso, a UFAM da Policía Nacional continúa as pescudas "buscando polos círculos próximos", abundaron, do septuaxenario desaparecido.
