Multa de 600 euros para un home que incumpriu 9 veces o confinamento
O investigado foi sometido a un xuízo rápido.
Por E.P. | SANTIAGO DE COMPOSTELA | 28/04/2020 | Actualizada ás 19:14
O Xulgado de Instrución número 2 de Ribeira, en funcións de garda, condenou ao pago de 600 euros, como autor dun delito continuado de desobediencia, un veciño da Pobra do Caramiñal que incumpriu a obrigación de confinamento de forma reiterada.
En concreto, segundo o fallo difundido polo Tribunal Superior de Xustiza de Galicia (TSXG), o home incumpriu co confinamento un total de nove veces, os días 14, 16, 17, 18, 19, 21, 22, 24 e 27 de abril.
A xuíza tivo en conta a agravante de reincidencia, pois o acusado, que se mostrou conforme coa pena, xa fora condenado por feitos similares o 1 e o 12 de abril.
O investigado foi sometido a un xuízo rápido.
Tras prestar a dita conformidade o acusado coas penas solicitadas, ditouse sentenza 'in voce', que deveu firme, ao manifestar as partes a súa intención de non recorrer, reducindo a pena solicitada nun terzo.
