Denuncian que unha usuaria da residencia de Celanova que deu negativo continúa na "planta de Covids"
Desde o BNG local din que algunhas fontes "explican que o cambio de planta non se fixo porque non quedan habitacións libres".
Por E.P. | SANTIAGO DE COMPOSTELA | 29/04/2020 | Actualizada ás 19:16
O BNG de Celanova denunciou este mércores que unha usuaria da residencia de anciáns que deu negativo na proba de coronavirus continúa situada "na planta de Covids" pola "falta de habitacións".
A familia desta usuaria, que "lanzou onte a alerta", trasladou ao BNG que a encargada eventual do centro comentáralles que a muller estaba a ser atendida "seguindo un protocolo da UME" e que as traballadoras "se cambian de roupa entre esa habitación e as outras".
Algunhas fontes, explican desde a formación nacionalista, explican que o cambio de planta non se fixo porque non quedan habitacións libres" despois de que volvesen a Celanova parte dos usuarios trasladados a Baños de Molgas.
Sete semanas despois de que se declarase o brote de COVID-19 nesta residencia, explica o BNG, "os residentes están distribuídos en 4 centros diferentes e ningún destes espazos é un centro 'limpo'" da enfermidade, denuncian.
