Por Europa Press / Redacción | SANTIAGO DE COMPOSTELA | 06/05/2020 | Actualizada ás 17:56
O Concello de Ourense e a empresa concesionaria do transporte urbano activaron o protocolo de seguridade despois de que un dos condutores dese positivo na proba do coronavirus o pasado sábado 2 de maio.
Segundo informou este mércores o consistorio local a través dun comunicado, o traballador está de baixa e os seus tres compañeiros de quenda gardan corentena nos seus fogares.
O goberno ourensán sinala que o transporte urbano da capital provincial cumpre as medidas establecidas na situación de alarma, que obriga a limitar ao 50% os viaxeiros e a que estes accedan con máscara e pola parte traseira do autocar, ademais de respectar a distancia de seguridade.
Así mesmo, destaca que "todos" os traballadores do servizo contan con 'epis', máscaras e xeles; e que os vehículos se desifectan ao termo de cada servizo aplicando os protocolos establecidos.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.