O coronavirus provocou a morte de 18 farmacéuticos, un na Coruña

Un novo falecemento dun farmacéutico en Ciudad Real elevou a 18 os profesionais que perderon a vida nas farmacias de todo o estado polo coronavirus, segundo informou o Consello Xeral de Colexios de Farmacéuticos.

Así mesmo, 16 farmacéuticos e dous técnicos en farmacia que perderon a vida no exercicio da súa responsabilidade sanitaria, atendendo á poboación en primeira liña asistencial, doce procedentes de Madrid, dous de Ciudad Real e o resto de La Rioja, Granada, A Coruña e Alacante.

Ademais, os datos do Consello Xeral reflicten que hai 346 profesionais en corentena ou ingresados, cifra que chegou a un máximo de 493; así como 204 farmacias con algún afectado nos seus persoais, das 271 que chegaron a representar. En canto ao número de farmacias pechadas, aínda 13 destes establecementos sanitarios continua temporalmente clausurados, lonxe do máximo de 65.

Os datos feitos públicos supoñen que o 99,8 por cento da rede de 22.102 farmacias permanece aberta, cumprindo a súa función de establecemento sanitario máis próximo e accesible, e perfectamente operativa para afrontar a fase de desescalada desde a Atención Primaria.

Por todo iso, o Consello Xeral de Farmacéuticos insistiu na necesidade de que todos os farmacéuticos e profesionais das farmacias extremen a precaución e lembrou á poboación a necesidade de seguir as recomendacións das autoridades sanitarias, acudindo ás farmacias só nos casos necesarios.

Por último, unha vez máis o Consello Xeral de Colexios Oficiais de Farmacéuticos insiste na necesidade de que se inclúan os farmacéuticos entre os profesionais sanitarios aos que se lles realiza as probas de detección da Covid-19.

Farmacia | Fonte: © Miguel Núñez.