Por E.P. | SANTIAGO DE COMPOSTELA | 08/05/2020 | Actualizada ás 16:56
O sector da xoiaría en Galicia prepárase para reabrir tendas e talleres a partir do próximo luns despois de oito semanas de peche pola crise do coronavirus, segundo informa nun comunicado o Colexio oficial de Xoiaría de Galicia.
Este venres, o colexio sinala que "gran número" das 300 xoiarías que forman parte do colectivo abrirán as súas portas a partir do luns con medidas extraordinarias para garantir a seguridade tanto de consumidores como de empregados.
Así, tras case dous meses co enreixado baixado, o sector confía en que as vendas de datas como o Día da Nai "se pospuxeran e non se teñan perdido" para poder recuperar parte do negocio, polo que apela aos consumidores a apoiar o "produto de calidade de Galicia e o comercio de proximidade".
Ademais, avanza o lanzamento de campañas en redes sociais para concienciar sobre "a importancia do sector" que irán acompañadas de promocións como sorteos, cheques agasallos e descontos.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.