Por E.P. | A CORUÑA | 11/05/2020 | Actualizada ás 13:28
O Servizo Municipal de Bibliotecas do Concello da Coruña pon en marcha distintas iniciativas para conmemorar o Día das Letras Galegas, que buscan "desconfinar" o galego.
Segundo informa o Consistorio, "nun contexto dominado polos adiamentos e cancelacións dos principais actos desta efeméride esencial no calendario cultural", "as bibliotecas da cidade lideran unha aposta polo mantemento da conmemoración do día grande da lingua galega".
Xunto a unha campaña de promoción en redes sociais, na que se convida á cidadanía a participar para que que cubra a súa cara con materiais en galego (libros, cd, filmes...), as persoas usuarias das bibliotecas municipais poderán gozar, ata o próximo día 17, dun conxunto de actividades que combinan a homenaxe á figura de Carvalho Calero e a potenciación do galego.
As escritoras María Reimóndez e Fina Casalderrey inaugurarán este conxunto de propostas dedicadas á creación en lingua galega entre as que figuran as actividades orientadas ao apoio de creadores emerxentes.
Entre outras, está a presenza do escritor Xan Lois nos 'Clubs de Lectura' ou a estrea de 'Vieiros de esperanza', un documental de Antón Rodríguez sobre a vida e obra de Ricardo Carvalho Calero que terá lugar o día 15.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.