Feridas tres persoas nun accidente de tráfico na AP-9, ao seu paso por Barro

Tres persoas resultaron feridas ao saírse da vía o vehículo no que viaxaban e dar varias voltas de campá cando circulaban pola AP-9, ao redor do quilómetro 120, ao seu paso por Barro.

Segundo informou o CIAE 112, foron varios particulares os que informaron sobre as 17,00 horas do accidente, no que ningún dos ocupantes quedou atrapado no interior do vehículo.

Ademais do Servizo de Urxencias Sanitarias de Galicia-061, desprazáronse ata o lugar os axentes da Garda Civil de Tráfico, tras ser alertados polo 112 Galicia.

Os xestores do 112 tamén informaron os feitos aos bombeiros de Ribadumia, de Vilagarcía e ao persoal de mantemento da AP-9.

Traballadores de ambulancias do 061 | Fonte: xunta.gal