O número de casos activos baixa por quinto día consecutivo e sitúase por riba dos 2.000

O número de casos activos de coronavirus en Galicia volveu a baixar por quinto día consecutivo, ata situarse en 2.074 persoas (105 menos que as notificadas hai un día), mentres que os pacientes curados incrementáronse ata os 8.157, segundo os datos trasladados ese xoves pola Consellería de Sanidade.

Así, do total de casos activos, 516 correspóndense á área sanitaria da Coruña, 512 á área de Vigo, 424 á área sanitaria de Santiago, 321 á área de Ourense, 117 á área de Lugo, 108 á área de Pontevedra e 76 á área sanitaria de Ferrol.

Con respecto aos pacientes ingresados, hai 21 persoas en Unidades de Coidados Intensivos (UCI) de hospitais galegos, unha menos que este mércores; e 123 enfermos noutras unidades de hospitalización.

Así mesmo, o número de casos con seguimento domiciliario baixou en 83, ata situarse en 1.930 persoas, e subiu novamente o número de pacientes curados, ata os 8.157 (161 máis que este mércores).

Finalmente, o Sergas informou da realización doutras 1.759 probas PCR, polo que o número total de probas realizadas ascende a 120.424.

Un sanitario protexido con luvas sostén unha mostra para realizar unha Análise PCR nun local de Deputación de Bizkaia, onde recollen mostras de traballadores funcionarios que deron positivo en Covid-19 ou estiveron en risco de dalo. H.Bilbao - Europa Press