Por E.P. | SANTIAGO DE COMPOSTELA | 18/05/2020 | Actualizada ás 17:01
O programa de xornadas 'Apaixónate' iniciou este luns a súa cuarta edición, estreando ademais un formato en modalidade 'en liña' debido ás circunstancias sociais e sanitarias e ás restricións que afectan o territorio.
Esta iniciativa se desarollará ao longo de toda a semana, con pequenas intervencións e relatorios abertos a todo o profesorado nos que participarán diferentes profesionais do ámbito rural, a empresa, a ciencia, a comunicación ou as artes.
O obxectivo é o de reflectir a importancia da implicación persoal no camiño cara ao éxito. A propia conselleira de Educación, Universidade e Formación Profesional, Carmen Pomar, abriu a xornada de luns incidindo en que a paixón vai "estreitamente ligada" á motivación en calquera ámbito.
Neste sentido, a capacidade dos docentes para transmitir esta cualidade aos alumnos é "fundamental" para incentivar a curiosidade polo saber e "espertar o talento" en cada un.
"Imos escoitar historias da vida relacionadas con diversos ámbitos, que contribúen a facer unha sociedade mellor, máis desenvolvida e máis solidaria", destacou.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.