Baixan a 884 os casos activos en Galicia, 36 menos que o venres, e a 11 os que permanecen en UCI

Os casos activos de coronavirus na comunidade galega descenderon a 884, o que supón unha caída de 36 nas últimas 24 horas, mentres que os curados ascenden a 9.684. Así se desprende dos datos facilitados pola Consellería de Sanidade este sábado. 

Once dos pacientes permanecen ingresados en UCI, un menos que este venres, mentres que outros 66 atópanse en unidades de hospitalización e 807 con seguimento domiciliario.

Así mesmo, o número de curados elevouse a 9.684, tras rexistrarse 77 altas epidemiolóxicas máis.

Doutra banda, o número de probas PCR realizadas chega xa ás 133.153, segundo as cifras achegadas pola Xunta.