Por Galicia Confidencial | Santiago de Compostela | 24/05/2020 | Actualizada ás 17:07
O presidente galego destacou este domingo a súa xestión da sanidade pública nos últimos anos e lembrou que “nunca se investiu tanto” na creación de novos hospitais, na rehabilitación doutros e na dotación da Atención Primaria.
Precisamente, antes da crise da COVID-19, a xestión da sanidade era un dos principais puntos débiles do seu goberno, ata o punto de que motivou numerosas protestas e manifestacións multitudinarias pola mala xestión e dotación dos servizos de Atención Primaria e dos de Pediatría, entre outros.
Con todo, e tras a chegada do coronavirus, Feijóo presume agora dos investimentos feitos en sanidade, a pesar de que nos seus dez anos de mandato se fecharon case 1.000 camas. E, especialmente, suliñou que sen estes “esforzos” o impacto do coronavirus en Galicia sería moito menor. “Se non ampliaramos recursos e materiais en Atención Primaria, a situación en Galicia sería insatisfactoria e grazas a eses investimentos en novos hospitais, ampliacións de hospitais e as melloras en Urxencias a situación sería outra”.
Pero, preguntado a súa xestión nesta crise sanitaria o vai axudar a gañar as eleccións suliñou que “é un razonamento que a inmensa maioría dos cidadáns se estarán preguntando”. “Que unha pandemia favorece a un goberno é cuestionable, aínda que o que eu fixen foi o que fixo calquera presidente autonómico que é xestionar os servizos sanitarios”, limitouse a contestar.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.