Por Europa Press / Redacción | SANTIAGO DE COMPOSTELA | 25/05/2020 | Actualizada ás 17:06
A portavoz de Ciudadanos, Beatriz Pino, reprochou que a "volta voluntaria" ás aulas de parte do alumnado, por primeira vez desde que se declarou o estado de alarma no mes de marzo, "non conta cun protocolo claro". Con todo, a responsable da formación liberal sinalou a importancia da volta ás aulas duns alumnos que xogan o seu futuro na próxima EBAU e a súa entrada no mercado laboral.
"A fenda dixital e a ausencia dun profesor, de forma presencial, fan que estes alumnos recibisen unha preparación desigual coa que non se garante que todos os alumnos recibisen a mesma formación académica para afrontar un momento tan relevante nas súas vidas", manifestou. No entanto, Beatriz Pino alertou da importancia de non baixar a garda e estar atentos ante o menor sinal dun posible contaxio de calquera destes alumnos que desde hoxe volven ás clases.
"É necesario establecer protocolos para a rápida detección do coronavirus e non arriscar a saúde do resto de alumnos ou profesionais dos centros educativos", considerou, antes de insistir en que "a volta ás clases presenciais non poden ser un motivo engadido de tensión para familias e alumnos".
A responsable da formación liberal en Galicia tamén criticou a actuación do Ministerio de Educación, xa que "non pode desentenderse e debe crear un marco de seguridade xurídica aos centros educativos e ás comunidades para a reapertura".
PLAN REACTIVA
Doutra banda, Ciudadanos agradeceu ao alcalde, Manuel Ruiz Rivas, que incorporase ao Plan Reactiva Ribeira as achegas realizadas por Ciudadanos, en palabras Laura Riveiro portavoz da formación laranxa neste concello.
Así, sinalou que o seu partido realizou diversas achegas que, no seu maior parte, foron incorporadas ao documento final. "A pesar de carecer de representación a nivel municipal, seguimos traballando", destacou.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.