O programa "tótem" de Feijóo na TVG levará a 40 persoas de público a pesar de que non rematou a corentena

O público regresa ao estudio de 'Land Róber' da TVG este xoves nun programa no que estarán con Roberto Vilar os actores Antonio Resines e Luís Iglesia, ademais do cantante santiagués Roi Méndez. Unha situación que se produce aínda en período de corentena e sen que Galicia teña pasado aínda á terceira fase.

Tras unha decena de programas gravados sen público, 40 persoas vivirán en primeira persoa o 'show' que dirixe Vilar, que se emite cada xoves en horario de máximo audiencia na Televisión de Galicia. De feito, este programa xa lle fixo varias entrevistas ao presidente galego, Alberto Núñez Feijóo, que dixo que era un dos seus espazos favoritos na TVG.

Así, "os 40 da corentena" converteranse en protagonistas dun programa no que Antonio Resines compartirá con Roberto Vilar e Eva Iglesias compartirán a súas experiencias durante a corentena. Tamén estará Luís Zahera, que partillou co propio Vilar unha entrevista humorística no programa e que logo participou nun vídeo de campaña da Xunta con Feijóo. Ademais estará o cantante e exconcursante de Operación Triunfo Roi Méndez presentará a súa nova canción 'Avións de papel'.

Roberto Vilar e Luís Zahera falan por teléfono con Feijóo no Land Rober | Fonte: TVG

A volta do público á TVG chega nun momento no que Feijóo insiste en "normalizar" a situación en Galicia e a un mes e medio duns comicios. Tamén no medio de fortes críticas pola "manipulación informativa" da TVG.