Por E.P. | PONTEVEDRA | 28/05/2020 | Actualizada ás 16:47
Sanxenxo informará aos seus visitantes a través da plataforma Inventrip das accións e regras en relación á COVID-19, dentro do plan piloto posto en marcha pola Sociedade Estatal Española dedicada á Xestión da Innovación e as Tecnoloxías Turísticas (Segittur).
Sanxenxo, xunto aos outros dous municipios turísticos intelixentes seleccionados para esta iniciativa, Santa Susana (Barcelona) e Conil (Cádiz), levan perfilando desde hai semanas o espazo e a distribución da información de interese que tanto os concellos como o propio sector turístico poderán achegar a este proxecto de promoción de destino.
O obxectivo é ofrecer información relevante para o visitante como protocolos de actuación e medidas tomadas para garantir a seguridade e o control sanitario.
Sanxenxo traballa xa desde o ano pasado coa plataforma Inventrip, que ofrece información turística do municipio, como rutas, miradoiros, praias, patrimonio e gastronomía. Agora, completarase con información sobre as medidas que o destino adoptou fronte á COVID-19.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.