Por Galicia Confidencial | A Coruña | 29/05/2020 | Actualizada ás 14:39
O Concello da Coruña prohibirá o acceso ás praias na festividade de San Xoán debido á pandemia pola COVID-19, segundo ratificou a alcaldesa, Inés Rey, nunha comparecencia para presentar o plan de reactivación económica e social que promoverá o consistorio para facer fronte á crise sanitaria.
A alcaldesa insistiu en que a cidade non vai celebrar esta festividade —na que tradicionalmente se concentran miles de persoas nos areais coruñeses para facer as fogueiras— "como outros anos".
"Non haberá San Xoán nas praias, nin concentracións de xente nos areais", explicou. Respecto diso, ratificou que se precintarán as praias e prohibirase a entrada aos areais tanto para concentracións de xente como "para o simulacro de botellón".
"No centro está a saúde", dixo a rexedora, insistindo que a pandemia "non terminou" a pesar de que se estean rexistrando unhas cifras "alentadoras".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.