Por Europa Press / Redacción | MADRID | 01/06/2020 | Actualizada ás 10:31
O mes de xuño comeza este luns cunha baixada de temperaturas durante o día no centro e norte peninsulares, así como con avisos amarelo (risco) en 13 provincias do norte de España por choivas e treboadas, entre elas o catro galegas, segundo a predición da Axencia Estatal de Meteoroloxía (AEMET).
Durante a xornada, manterase a inestabilidade no interior do terzo norte da Península, con intervalos nubrados, que serán máis abundantes pola tarde, e con chuvascos e treboadas, que no extremo norte poderían ser localmente fortes na segunda metade do día e acompañadas de sarabia, especialmente no interior de Galicia, cordilleira Cantábrica, norte do sistema Ibérico e contorna de Pireneos.
En canto ás temperaturas, polo día descenderán no centro e norte peninsular, e experimentarán un ascenso en Andalucía. E pola noite, baixarán na metade oeste, e subirán no nordeste e no Levante. No resto do país espéranse poucos cambios.
Por último, haberá predominio de ventos frouxos en todo o país, de compoñente leste na área mediterránea e de compoñente sur no resto da metade sur peninsular.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.