A Xunta reclama "todo o apoio" do Goberno central para Alcoa
"Parece claro que o Partido Socialista non quere dar unha solución a este problema", afirma o conselleiro de Economía.
- Así cambiou e creceu a Mariña lucense coa chegada de Alcoa
- Máis de 5.000 sinaturas contra o peche de Alcoa: "Meu pai traballou alí, por iso sei o esencial que é para a comarca"
- Centos de traballadores montan barricadas e cortan os accesos a Alcoa en San Cibrao
Por E.P. | SANTIAGO DE COMPOSTELA | 02/06/2020 | Actualizada ás 16:33
O conselleiro de Economía da Xunta de Galicia, Francisco Conde, afirmou que "a día de hoxe o Goberno segue sen dar unha solución a unha industria", a do aluminio, que "necesita todo o apoio do Goberno e dunha boa política industrial".
Segundo manifestou Conde, "parece claro que o Partido Socialista non quere dar unha solución a este problema", algo que desde o Executivo galego lamenta. "Estamos a trasladar propostas concretas de como se pode atopar unha solución", afirmou Conde, sobre todo desde "o punto de vista do prezo eléctrico", abundou.
Na xornada do pasado luns a Xunta trasladou ao Goberno central "que España se poida acoller ao fondo Europeo" que vai permitir a recuperación de sectores estratéxicos e esenciais a nivel europeo. "Entendemos que o aluminio debería de formar parte dun marco específico", manifestou o conselleiro.
O conselleiro de Industria comentou que "entenden que hai unha base clara para apoiar a Alcoa" e para que o prezo eléctrico "sexa competitivo". Conde afirmou que "non" piden "nada que non estean a facer outros gobernos", como é o caso de Alemaña ou Francia.
Por iso, Francisco Conde afirmou que "hai base para que a industria do aluminio e as electrointensivas" poidan estar dentro do marco de apoio para os sectores esenciais.
"FRONTE COMÚN"
Ademais, o conselleiro aclarou que "a Xunta vai seguir facendo unha fronte común cos traballadores". "Seguiremos apoiando as demandas dos empregados", afirmou e engadiu que "son xustas e con sentido económico e industrial" para España e Galicia.
A responsable da área de Industria recalcou que seguirán "na loita" porque "as razóns e os argumentos están ao lado dos traballadores" e a Xunta non van deixar " de defender esa posición", concluíu.
Os traballadores da planta de aluminio de Alcoa en San Cibrao continúan este martes con protestas e demandas ao Goberno central, para que este busque unha solución a un conflito que, de non solucionarse, deixaría na rúa a 534 traballadores da factoría.
