Por Galicia Confidencial | SANTIAGO DE COMPOSTELA | 12/06/2020 | Actualizada ás 13:06
O DOG publica hoxe a listaxe de novas farmacias adxudicadas pola Xunta. Esta ampliación, por 41 novos centros, suma xa un total de 1386 oficinas repartidas ao longo do territorio, a maior parte delas, case o 45%, nas cidades.
Precisamente, o anuncio das novas adxudicacións vai acompañado por unha nota que destaca o "énfase" no rural da Xunta á hora de decidir este reparto. Os números, con todo, indican que os concellos "non urbanos" tan só recibirán 20 das licencias concedidas, é dicir, menos da metade da conta total. As restantes 21 irán parar a cidades e zonas semiurbanas
A MAIORÍA, NA CORUÑA
De xeito paralelo, a provincia da Coruña volveu a ser a máis gratificada polo reparto da Xunta, e suma xa 572 centros (o 41% do total), moi por diante do resto de provincias. A rexión con menor distribución foi Lugo, que tan só recibiu 4 adxudicacións, seguido das 5 de Ourense e as 9 da provincia de Pontevedra.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.