Por E.P. | Santiago de Compostela | 16/06/2020 | Actualizada ás 19:56
O Instituto para a Transición Xusta (ITX), organismo dependente do Ministerio para a Transición Ecolóxica e o Reto Demográfico, iniciou este martes o proceso de participación pública que permitirá que os axentes sociais e económicos da zona afectada polo fin da actividade da central térmica de Meirama, en Cerceda (A Coruña), "contribúan de forma activa na elaboración do convenio de transición xusta".
Este mecanismo de participación pública, paso previo á elaboración do citado convenio, "posibilita a identificación de posibles proxectos, investimentos e oportunidades de emprego que garantan a reactivación económica desta zona, baseada nun modelo produtivo diversificado e sustentable, xerando novas oportunidades para as persoas, sen deixar a ninguén atrás", engade o Ministerio.
"A información solicitada no proceso participativo, grazas ás contribucións dos diferentes axentes sociais e económicos, constitúe a base para a elaboración final do convenio". Del, asegura que incluirá "as mellores propostas e proxectos identificados no proceso, que serán seleccionados en base á súa capacidade de xerar e fixar emprego sustentable no medio e longo prazo".
Ademais, incluirá medidas para apoiar a execución dos proxectos seleccionados, xa sexa diferentes fontes de financiamento como outras formas de apoio específicas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.