Por Europa Press / Redacción | SANTIAGO DE COMPOSTELA | 17/06/2020 | Actualizada ás 18:46
A candidata de Ciudadanos á Presidencia da Xunta, Beatriz Pino, pediu diálogo na nova Lei Educativa co fin de avanzar nunha norma que sirva "para unha xeración" e se desvincule do ciclo de reformas que se suceden cada cambio de goberno. "Necesitamos unha Lei Educativa para unha xeración, non para unha lexislatura", sinalou, lembrando que a chamada 'Lei Celaá' sería a oitava lei educativa en 40 anos, en caso de aprobarse.
"PSOE e Podemos impulsan esta lei sen debatela nin consensuala coas comunidades autónomas nin con ninguén da oposición, nun momento no que, máis que nunca, hai que sacar a Educación do debate político, cando hai moita incerteza sobre o ano académico de nenos e novos".
Pino insistiu na importancia dun Pacto de Estado pola Educación, dialogado e consensuado entre todas as forzas políticas e profesionais da sociedade civil, no que ademais se deixe ao carón o enfrontamento entre o modelo de escola pública e concertada. "O proxecto elimina o criterio de demanda social e relega a escola concertada a un papel de mera subsidiaria, abrindo a porta á eliminación dos concertos.".
Así mesmo, apelou a garantir que se poida educar en castelán en todo o Estado e asegurar que "non se atropelan os dereitos lingüísticos de alumnos e familias na escola". Neste sentido, apostou por reforzar a Alta Inspección Educativa, en lugar de restarlle competencias. "O proxecto quita as competencias de velar por que se cumpra a Constitución á Alta Inspección Educativa e dá esa potestade aos gobernos autonómicos, nalgúns casos nacionalistas, así como a decisión de cantas materias se imparten en castelán".
FALTA DE RECURSOS
Pino incidiu ademais en que o proxecto de Celaá anuncia investimentos que logo non se orzan, como é "a gratuidade na educación infantil". "É paradigmático: anúnciase a vontade de avanzar cara a ela, pero non se recolle ningunha previsión orzamentaria, o cal deixa a proposta ao albur da conxuntura económica, crea incerteza nas familias e fai dubidar sobre a vontade real do Goberno de aplicar estas medidas".
Así mesmo, referiuse a os miles de nenos galegos perderon as súas clases, nun territorio no que o Estado "non investiu nada para superar a fenda dixital", e censurou que o Goberno "nin sequera" achegue recursos para que os colexios poidan "comprar produtos sanitarios e hixiénicos". "Non lles dá o suficiente diñeiro para plans de reforzo ou para ter máis aulas ou para pagar o salario de máis profesores", insistiu.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.