Galicia gaña 337 afiliados estranxeiros á Seguridade Social en maio, pero ten menos que hai un ano
É un 0,92% máis en relación a abril, un crecemento inferior á media estatal (1,89%).
Por Europa Press / Redacción | Santiago de Compostela | 18/06/2020 | Actualizada ás 13:08
A Seguridade Social gañou 337 afiliados estranxeiros en Galicia o pasado mes de maio, ata 37.030, un 0,92% máis en relación a abril, un crecemento inferior á media estatal (1,89%), segundo datos do Ministerio de Traballo, Migracións e Seguridade Social.
Con todo, en comparación con maio de 2019, a Seguridade Social perdeu 658 afiliados estranxeiros en Galicia, un -1,75%, menos que o conxunto estatal, onde o descenso foi de -6,7%.
Desta forma, ao termo do quinto mes do ano, o número de inmigrantes que cotizan en Galicia situábase en 37.030. Do total, 28.781 persoas pertencía ao Réxime Xeral, mentres que 6.929 cotizaban en Autónomos e 1.320 no Réxime do Mar.
Dentro do primeiro, 1.176 estranxeiros empregábanse no sector agrario e 3.145 no do fogar, mentres que os outros 24.460 traballaban no resto de actividades.
Máis da metade dos inmigrantes afiliados á Seguridade Social en Galicia son homes, 20.968, fronte a 16.062 mulleres. Por procedencia, a maior parte proviñan de países non europeos, 22.540, en tanto que 14.490 eran de estados membros da Unión.
