Primeiro gran rebrote de coronavirus en Galicia

O xerente do Servizo Galego de Saúde (Sergas), Antonio Fernandez Campa, anunciou un rebrote de Covid-19 en Galicia. Trátase, polo momento, de 9 casos, 8 deles en Ribeira e outro na Pobra.

De feito, a consellería tiña xa constancia de positivos a última hora do venres. O propio conselleiro de Sanidade, Jesús Vázquez Almuiña, dicía este sábado alertaba das posibilidades de contaxio coa xente que estaba volvendo de países de América e África.

Segundo apunta Antonio Fernández Campa, o primeiro resultado positivo produciuse o pasado venres. Realizáronse outras 15 probas de contactos, todas con resultado negativo. Sospéitase que a orixe deste brote familiar é o dunha persoa que estivo de viaxe en Brasil e regresou a través de Lisboa, despois do cal puido contaxiar á súa filla.

Personal de ambulancia con traxe de proteción contra o coronavirus / @miguelnuñez Técnicos sanitarios dunha ambulancia nunha chamada para atender un posible caso de coronaviurs COVID 19 / © Miguel Núñez Técnicos sanitarios dunha ambulancia nunha chamada para atender un posible caso de coronaviurs COVID 19 / © Miguel Núñez

Este home deu negativo na PCR --á que se someteu, como a súa filla, o venres, aínda que non presentaba síntomas--, pero fíxoselle posteriormente unha proba serolóxica que mostrou a presenza de anticorpos IgG, o que indica que a súa infección está xa "resolta". O primeiro caso detectado, segundo Fernández-Campa, foi o da filla do home, que tiña síntomas leves e deu positivo á proba PCR o venres. Este sábado rexistráronse outros dous positivos relacionados con este foco e hoxe coñecéronse os casos restantes, concretou.

VÍNCULOS FAMILIARES E DE AMIZADE

Todos os infectados son familiares da persoa que se sospeita que é a orixe ou amigos deste e outros achegados destes amigos, sinalou o responsable do Sergas, que engadiu que cre que os contaxios de produciron polo contacto estreito habitual entre familiares e por algunha relación laboral, non por unha reunión concreta.

Ningún dos afectados necesitou hospitalización. Todos presentan síntomas leves e permanecen en illamento nos seus domicilios, mentres que os contactos máis estreitos, incluídos os 15 que deron negativo, están en corentena --que durará 14 días-- e baixo vixilancia diaria, por se desenvolven síntomas e é necesario facerlles a proba, agregou o xerente do Sergas.

SEGUE O RASTREXO DE CONTACTOS

Unha vez que as autoridades sanitarias galegas tiveron constancia do primeiro positivo, relatou Fernández-Campa, realizáronse enquisas e un estudo para determinar a rede de contactos. Dado que este mesmo domingo recibiron novas confirmacións, seguen as tarefas para trazar os posibles contactos.

Este brote, agregou, xera "preocupación" e as autoridades sanitarias estarán "atentas" á súa evolución, indicou o alto cargo, que destacou que o sistema de rastrexo "parece funcionar" e permitiu buscar contactos e realizar probas nun prazo "moi curto".