O touro bravo fuxido en Brión deu un paseo dun día e volveu á granxa polo seu propio pé

O touro bravo fuxido na mañá do xoves dunha granxa na parroquia de Bastavales, en Brión, volveu á explotación gandeira polos seu propio pé, segundo informan dende o corpo de Policía Local do Concello.

O traxecto do animal, que se estendeu ao longo de máis de 24 horas, rematou cando esta mañá, arredor das 7:30, foi atopado polo seu dono "ás portas" da instalación gandeira á que pertence.

O touro de Bastavales, de grandes dimensións, fora avistado no amencer do xoves no límite municipal entre Brión e Sar, tralo cal comezou un operativo de busca conxunto de Policía Local e Ges que finalmente non foi necesario.