Morre un home en Cee tras sufrir un accidente co seu tractor
Por E.P. | A Coruña | 26/06/2020 | Actualizada ás 19:31
Un home faleceu este venres tras sufrir un accidente co tractor que manexaba en Cee, que envorcou. Para poder acceder á vítima, foi necesaria a axuda dos equipos de rescate, aínda que nada puideron facer por salvarlle a vida.
Segundo informa o 112 Galicia, pasaban uns minutos das 14,00 horas cando tivo constancia dos feitos a través da chamada de alerta de Urxencias Sanitarias de Galicia-061.
Segundo a información facilitada polos profesionais sanitarios, unha persoa atopábase baixo un tractor nunha leira situada na parroquia de Brens, concretamente no lugar de Fadibón.
O 112 informou os bombeiros de Cee, así como aos axentes da Garda Civil e Policía Local, e aos voluntarios de Protección Civil da localidade.
Ata o lugar desprazouse un equipo médico que só puido confirmar o falecemento do home.
