Por Europa Press / Redacción | SANTIAGO DE COMPOSTELA | 29/06/2020 | Actualizada ás 14:00
Os pacientes con positivo no coronavirus COVID-19 ingresados en hospitais de Galicia mantéñense en catro --na Coruña, Vigo e Lugo--, os mesmos que este fin de semana, mentres que as UCIs seguen sen hospitalizados coa infección.
Segundo os datos facilitados este luns polas áreas sanitarias de Galicia, na da Coruña e Cee permanece un paciente con COVID ingresado en planta do Chuac. Ademais, rexistrouse un alta epidemiolóxica máis.
Na área de Vigo dos 131 casos activos, un corresponde a un paciente hospitalizado e 130 atópanse en seguimento no seu domicilio. Ata a data curáronse 2.056 persoas.
Mentres, na provincia de Lugo hai 47 casos activos, dos cales dous corresponden a pacientes ingresados no HULA --un deles dos 28 do brote da Mariña-- e o resto atópanse en seguimento domiciliario. Ata a data nesta área faleceron 28 persoas e rexistráronse 922 altas.
Pola súa banda, na área de Pontevedra e O Salnés os casos activos sitúanse en nove, todos eles en seguimento domiciliario. Desde o inicio do plan de continxencia da COVID-19 curáronse 893 pacientes e houbo 16 falecidos.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.