A construción de vivendas aumentou un 42% en marzo, a pesar da corentena
Comparado co mes de febreiro, existe unha gran caída de edificios novos a construír e tamén baixan as rehabilitacións.
- A creación de empresas afúndese un 68% en Galicia
- As exportacións galegas afúndense un 56% en abril, segunda maior caída do Estado
Por E.P. | SANTIAGO DE COMPOSTELA | 30/06/2020 | Actualizada ás 11:12
Un total de 125 licenzas foron concecidas no mes de marzo en Galicia para a construción de vivendas de nova planta, un 42% máis que no mesmo mes de 2019.
Este incremento produciuse a pesar da baixada de construción de edificios de nova planta ata un total de 94, segundo os datos que publica este martes o Instituto Galego de Estatística (IGE).
Sobre edificacións xa existentes, concedéronse licenzas para 114 obras de rehabilitación de edificios, nove menos que un ano antes, aínda que se elevan en tres as vivendas a rehabilitar ata 42.
Os edificios a demoler foron sete en marzo, a metade que un ano antes, con sete vivendas, unha por cada edificio.
Se a comparativa faise con febreiro, existe unha acusada caída de edificios novos a construír, mentres tamén baixan as rehabilitacións.
