En corentena un barco de pescadores galegos en Gipuzkoa tras o positivo dun tripulante

Un tripulante galego dun barco de Pasaia (Gipuzkoa) foi o primeiro positivo detectado entre a frota vasca de baixura e o seu contaxio obrigou o confinamento doutros sete pescadores, todos eles naturais de Galicia, segundo informaron a Europa Press fontes da Confraría de Gipuzkoa.

As mesmas fontes explicaron que o pasado día 20 confirmouse este primeiro positivo nun tripulante dun pesqueiro da frota de Pasaia (Gipuzkoa). A tripulacion, incluída a persoa contaxiada, son todos procedentes de Galicia, aínda que a embarcación é guipuscoana.

No momento en que se detectou o positivo, a tripulación permanecía en terra, xa que se atopaban de descanso en Galicia, o seu lugar de orixe. Tras confirmarse o contaxio, outros sete tripulantes permaneceron confinados, pero practicáronselles as probas e todos deron resultado negativo, polo que esta semana está previsto que volvan ao mar.

As mesmas fontes sinalaron que o tripulante contaxiado se atopa ben e indicaron que se trata do primeiro caso de coronavirus entre os barcos da frota vasca de baixura.

Barco galego. XUNTA - Arquivo