Por E.P. | SANTIAGO DE COMPOSTELA | 08/07/2020 | Actualizada ás 11:34
A Consellería de Educación, Universidade e Formación Profesional publica este mércores no Diario Oficial de Galicia (DOG) a convocatoria dos premios extraordinarios de formación profesional de grao superior da Comunidade autónoma correspondentes ao curso 2018/2019.
O prazo de presentación de solicitudes para optar a estes galardóns estará aberto desde este xoves ata o 10 a agosto. En total, convócanse ata 23 premios extraordinarios, un por cada familia de formación profesional de grao superior implantada en Galicia.
Segundo explicou o departamento autonómico nun comunicado, poderán optar a este recoñecemento os estudantes que cursasen estudos de FP de grao superior no curso 2018/2019 nalgún centro educativo da comunidade autónoma (ben modalidade presencial ou modalidade a distancia) e terminásenos no ano 2019, a condición de que obtivesen unha cualificación final do ciclo formativo igual ou superior a 8,5 puntos; entre outros.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.