Por Europa Press / Redacción | SANTIAGO DE COMPOSTELA | 15/07/2020 | Actualizada ás 18:27
A CIG celebrou concentracións este mércores no sete cidades para demandar unha saída "xusta" da crise provocada polo impacto do coronavirus.
O sindicato mostra o seu rexeitamento ao segundo acordo asinado polo Goberno, a patronal e os sindicatos CC.OO. e UGT para a prórroga dos ERTE "mentres seguen plenamente vixentes a reforma laborais, das pensións e da negociación colectiva", unido aos recortes nas prestacións por desemprego e servizos público.
O sindicato nacionalista considera que prorrogar os ERTE nestas condicións sen derrogar a reforma laboral "é unha tortura insufrible" para a clase traballadora.
Neste sentido, sinala que o acordo que este martes se convalida no Congreso "supón profundar no abuso patronal e un enorme prexuízo para o conxunto dos traballadores" nun contexto de crise que "generalas condicións perfectas para que estes ERTE terminen en despedimentos".
"Non derrogar, cando menos, os artigos da reforma laboral que seguen deixando en exclusiva nas mans das empresas as decisións dos despedimentos, permite que Alcoa ou Borgwarner poidan executar os seus plans de peches e deslocalizacións con total facilidade", advirte o secretario xeral da CIG, Paulo Carril.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.