Alu Ibérica renova RRHH e promete a "continuidade" da planta da Coruña como "referente en aluminio verde"

A empresa Alu Ibérica anunciou que está "a reorganizar equipos" nas plantas da Coruña e Avilés para reforzar o seu compromiso coa "continuidade" de ambas as dúas, algo que frutificou este venres co nomeamento do director de Recursos Humanos.

A compañía mostra a súa intención de que se convertan en "referencia a nivel europeo na produción de aluminio verde circular".

Fontes da directiva da compañía detallan que están a ofrecer formación aos empregados en "novas técnicas de traballo" para avanzar na "reformulación" do traballo nas fábricas e tamén que están a proceder á contratación de novos directivos.

A empresa comunicou a incorporación de Francisco Jesús de Francisco Corbella como director de Recursos Humanos na Coruña e Avilés. A compañía detalla que ten "profundos coñecementos" en prevención de riscos laborais e "experiencia" en xestión de persoal de case dúas décadas.

O nomeamento anunciado pola empresa supón, engaden fontes da compañía, "un paso máis no proxecto de reconstrución das plantas" e mostran o avance, apuntan, "para alcanzar a etapa de evolución que levamos anunciando desde que aterramos en Galicia e Asturias".