Por E.P. | SANTIAGO DE COMPOSTELA | 21/07/2020 | Actualizada ás 17:42
O secretario xeral do PSdeG, Gonzalo Caballero, destacou este martes o acordo do Consello Europeo para reconstrución tras as crises da COVID-19, que cualificou de "fondos imprescindibles para políticas anticíclicas".
Aínda que considerou que este fondo que contempla que España reciba uns 140.000 millóns de euros "non é o ideal", asegurou que "é moi relevante" xa que "implica novos mecanismos de gobernación europea e achegará fondos para responder á crise con políticas anticíclicas e de readaptación produtiva".
Así mesmo, nun comunicado remitido aos medios e no que respecta aos fondos que chegarán aos territorios, o líder do PSdeG reclamou que estas achegas permitan melloras en materia de emprego, facer fronte aos retos produtivos e que sirvan para defender os servizos públicos, así como dar apoio aos sectores primarios e á industria.
Por ultimo, sinalou o traballo do Goberno de España para conseguir unha resposta europea á crise derivada da pandemia mentres o PP "preferiu pór atrancos" durante as negociacións en lugar de "sumar" a favor do país.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.