O incendio de Verín deixa xa 50 hectáreas queimadas mentres seguen os problemas de visibilidade na A-52

O incendio forestal activo este mércores no concello ourensán de Verín supera xa as 50 hectáreas de superficie afectada, segundo a última estimación facilitada pola Consellería do Medio Rural.

O lume afecta á parroquia de Queirugás, onde traballan catro axentes, once brigadas, cinco motobombas, unha pa, catro avións e catro helicópteros.

A Dirección Xeral de Tráfico (DXT) decretou unha alerta amarela pola proximidade das chamas á estrada A-52, o que está a causar problemas de visibilidade no punto quilométrico 153.

Incendio | Fonte: remitida