As hipotecas galegas resisten o impacto da covid mentres as do estado se esborrallan
O descenso na comunidade é do 10% fronte ó 27,6% do conxunto de rexións.
Por Europa Press / Redacción | SANTIAGO DE COMPOSTELA | 24/07/2020 | Actualizada ás 11:54
Galicia rexistrou 997 hipotecas sobre vivendas en maio, o que supón unha caída do 10% respecto ao mesmo mes de 2019, segundo os datos que publica este venres o Instituto Nacional de Estatística (INE). O descenso, se ben pronunciado, resulta moito menor que o rexistrado no conxunto do Estado, onde o esborrallamento chega ó 27'6%. Este mes só Canarias se atopa en cifras positivas (+0,1%).
Ademais, no caso galego hai un repunte do 21,6% en maio respecto de abril. O capital prestado para estas operacións foi de 98,5 millóns de euros, unha 14,7% menos interanual, pero un 25,2% máis intermensual --ambos os datos son mellores que a media--.
TIPOS DE HIPOTECA
Pola súa banda, houbo 1.486 hipotecas constituídas sobre leiras, 1.443 urbanas e 43 rústicas. En ambos os casos, a maioría das hipotecas formalizáronse en bancos. Entre as urbanas, atópanse as 997 hipotecas sobre vivendas, seis solares e 440 doutro tipo. Ademais, canceláronse 680 hipotecas, 432 delas en vivendas. Tamén houbo 126 cambios rexistrais.
