Prisión sen fianza para a muller que acoitelou a súa parella na Estrada
A acusada foi detida o xoves despois de acoitelar a súa parella na vía pública.
Por E.P. | Pontevedra | 24/07/2020 | Actualizada ás 17:00
O Xulgado de Instrución número 1 da Estrada decretou prisión provisional comunicada e sen fianza para a muller detida por acoitelar á súa parella neste municipio pontevedrés.
Segundo informou o Tribunal Superior de Xustiza de Galicia (TSXG), durante a instrución determinarase se a muller está investigada por homicidio en grao de tentativa ou por lesións graves.
A muller foi detida o xoves despois de acoitelar á súa parella na vía pública no municipio pontevedrés da Estrada. O seu pase a disposición xudicial produciuse este venres.
Segundo informan fontes próximas da investigación, ás 22,17 horas do venres a Garda Civil recibiu aviso de que unha muller agredira con arma branca a un home tras unha discusión. A parella ten entre 55 e 60 anos.
O home foi enviado á PAC da Estrada e desde aí foi trasladado "grave" ao hospital de Santiago con varias feridas de arma branca en pernas e abdome.
