Temas: DXT TRáFICO

As seis vías conflitivas en Galicia na operación saída

A DXT insta a extremar as precaucións na operación especial de tráfico polo 1 de agosto

Por E.P. | Santiago de Compostela | 27/07/2020 | Actualizada ás 18:44

Comparte esta noticia

A Dirección Xeral de Tráfico publicou este luns o informe de puntos conflitivos e precaucións á hora de saír á estrada coincidindo coa operación especial de tráfico do próximo 1 de agosto, na que se espera que se incremente o volume de circulación como consecuencia das vacacións estivais.

Garda Civil de Tráfico
Garda Civil de Tráfico | Fonte: © Miguel Núñez.

En concreto, o informe apunta en Galicia a seis vías conflitivas: a AP-9, a A-6, a A-8, a A-52, a A-55 e a estrada N-550.

Por provincias, na Coruña espérase que as horas de maior concentración de tráfico sexan o venres 31 de xullo entre as 15,00 e as 23,00 horas, o sábado 1 de agosto entre as 18,00 e as 22,00 horas e o domingo entre as 18,00 e as 23,00 horas. Nesta provincia, a DXT informa de 13 puntos conflitivos en zonas como os accesos a Santiago, A Coruña ou Ferrol.

En canto á provincia de Pontevedra, infórmase de alta densidade de tráfico entre as 15,00 horas e as 21,00 horas do venres, entre as 11,00 horas e as 14,00 horas e entre as 19,00 e as 22,00 horas do sábado e na mesma franxa horaria o domingo. Neste caso, infórmanse 14 puntos conflitivos.

Na provincia de Lugo, con tres puntos conflitivos --o Alto do Fiouco na A-8 e os accesos ás praias--, as horas con maior circulación serán entre as 15.00 horas e a medianoite o venres e entre as 10,00 horas e as 24,00 horas tanto o sábado como o domingo.

Finalmente, en Ourense, a circulación será máis intensa, previsiblemente, entre as 16,00 horas e as 22,00 horas o venres, entre as 10,00 horas e as 22,00 horas do sábado e entre as 16,00 e as 22,00 horas o domingo. O tres puntos conflitivos afectan á cidade de Ourense.

Temas: DXT TRáFICO
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta