O toque de atención dunha exdeputada socialista a Marta Sánchez: "esa foto non é Canarias senón A Coruña"

A cantante aparece posando na cidade herculina para unha revista que a sitúa no arquipélago canario.

Por Galicia Confidencial | SANTIAGO DE COMPOSTELA | 30/07/2020 | Actualizada ás 22:15

Comparte esta noticia

Co mar de Orzán detrás e Montealto ao fondo. Así posou para a revista Love a cantante Marta Sánchez na que había de ser a polémica do día en Twitter. A alarma saltou cando os usuarios comprobaron que a revista situaba á cantante de ascendencia galega en Canarias, cando en realidade a estampa amosada pertencía á área coruñesa de Riazor.

Imaxe de Marta Sánchez coa Coruña de fondo nunha revista que a sitúa en Canarias
Imaxe de Marta Sánchez coa Coruña de fondo nunha revista que a sitúa en Canarias | Fonte: Twitter

"Enamorada de la isla y de su gente, Marta nos ofrece imágenes tan bonitas como esta", reza o subtítulo da imaxe da que se fixo eco a rede social. O post orixinal foi publicado pola que fora líder do PSOE na Coruña, a tamén exdeputada no Parlamento Galego Mar Bacón. "Estoy segurísima de que a Marta Sánchez le encanta Canarias... pero esa foto, ese mar y ese cielo infinito son de Coruña", apuntaba cun guiño.

A publicación da histórica política socialista axiña foi respostada por varios usuarios que se lanzaron a ironizar sobre a confusión acontecida na revista.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta