Por Europa Press / Redacción | SANTIAGO DE COMPOSTELA | 31/07/2020 | Actualizada ás 22:49
O secretario xeral do PSdeG, Gonzalo Caballero, participou este venres no Comité Provincial do partido en Ourense para analizar o resultado electoral do pasado 12 de xullo nesta circunscrición. A reunión deste órgano concluíu cun "respaldo unánime" ao secretario xeral.
No encontro, Gonzalo Caballero puxo en valor os resultados conseguidos en Ourense, onde o PP "retrocedeu en 10.000 votos e perdeu un escano" e o PSdeG creceu nun deputado. Nun contexto de reflexión sobre uns resultados galegos que non son os "esperados, admitiu Caballero, o líder do PSdeG agradeceu as achegas feitas polos compañeiros da provincia, así como o traballo realizado durante a campaña.
"Das derrotas apréndese para chegar ás vitorias", subliñou Gonzalo Caballero, que chamou a todos a "aprender dos erros" para "fortalecer o partido".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.