Estabilizado o incendio de Viana do Bolo que queimou unhas 200 hectáreas

O incendio que afecta á parroquia de Pradorramisquedo, en Viana do Bolo (Ourense), segue sen estar controlado, pero a Consellería do Medio Rural dáo por estabilizado tras queimar unhas 200 hectáreas, de acordo coas últimas estimacións.

O lume, que empezou o luns, está estabilizado desde as 18,07 horas deste xoves, indicou Medio Rural, que explicou que o cálculo da superficie afectada é provisional, ata que se parametrice a superficie final afectada.

Ata o momento, mobilizáronse para controlalo 15 axentes, 47 brigadas, 10 motobombas, unha pa, nove avións e oito helicópteros.