Por E.P. | SANTIAGO DE COMPOSTELA | 07/08/2020 | Actualizada ás 14:57
A portavoz nacional do BNG, Ana Pontón, pide ao Goberno central e á Xunta que deixen de "bailar ao son que marca Alcoa" e interveñan a planta de San Cibrao. Pontón reclamou que o Estado e o Executivo galego "se poñan a bailar ao son que lle convén a Galicia e aos traballadores da factoría".
Este venres, a portavoz nacional do Bloque achegouse a falar cos traballadores concentrados ante o Parlamento con motivo da sesión constitutiva, momento no que se escoitaron berros de "presidenta, presidenta".
Alí, Ana Pontón defendeu que a solución para salvar a produción e o emprego na fábrica da Mariña pasa pola nacionalización coa intervención pública do Estado e a Xunta, así como por unha tarifa eléctrica galega. "Para aplicar esta solución só fai falta vontade política e o BNG tena", asegura. "Desde logo, as cubas non poden apagarse e imos seguir traballando para darlle futuro A Mariña", agrega.
Así, acompañada dos tamén deputados do Bloque Olalla Rodil e Daniel Castro, manifestaron o seu apoio ás 1.500 familias directamente afectadas o peche da fábrica.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.