Activo un incendio en Toén, cun amplo dispositivo de medios aéreos

Un incendio atópase activo no municipio ourensán de Toén desde as 17,40 horas deste venres, nunha xornada na que varios lumes afectan á provincia.

Segundo informa a Consellería de Medio Rural, nas tarefas de extinción participan nove avións, nove helicópteros, nove brigadas, cinco motobombas, dous axentes, unha pa e un técnico.

Polo momento non hai estimación de hectáreas queimadas neste lume, aínda que provoca unha visible fumareda na zona.

Incendio en Toén | Fonte: Maruxa Suárez, @maruskasuarez en Twitter.